ទីតាំងអ៊ីនធឺណេត internet មួយកន្លែងកំពុងតែ ដំណើរល្បែងស៊ីសង យ៉ាងគឃ្លើន ដោយមិនរំខាន ដែនសមត្ថកិច្ចវគ្គ២

ផ្សាយចេញនៅថ្ងៃទី១៥ខែកុម្ភ:ឆ្នាំ២០២២

ភ្នំពេញ៖ នៅភូមិរោងចក្រ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ មានទីតាំង អ៊ីនធឺណេត internet សង្ស័យគ្មានច្បាប់មួយកន្លែង កំពុងតែលួចលាក់បង្កបង្កើតល្បែងស៊ីសងខុសច្បាប់ យ៉ាងគឃ្លើនពេញមូលដ្ឋាន។

តាមប្រភពព័ត៌មានបានឱ្យដឹងតៗគ្នាថា ទីតាំង ល្បែងស៊ីសងខុសច្បាប់ តាមប្រព័ន្ធ អ៊ីនធឺណេត internet ខាងលើនេះ បានបើកដំណើរការដោយរលូន និងគ្មានការរំខានដល់អាជ្ញាធរនិងសមត្ថកិច្ចពាក់ព័ន្ធក្នុងមូលដ្ឋានបន្តិចឡើយ ឬក៏ត្រូវថ្នាំងសន្តំអស់ទៅហើយ.

តាមការឱ្យដឹងពីប្រជាពលរដ្ឋដែលរស់នៅតំបន់នោះ បានលួចបង្ហើបប្រាប់សារព័ត៌មានទាំងភ័យខ្លាចថា ទីតាំងខាងលើនេះ សម្បូរទៅដោយក្មេងទំនើង ចេញចូលយ៉ាងស្រស្រាក់ស្រស្រាំ ដោយពួកគាត់មានការភ័យខ្លាចចំពោះសុខទុក្ខរបស់គាត់ មិនថាពេកយប់ ឬពេលថ្ងៃ (ពោលគឺ) ទីណាមានល្បែងស៊ីសង ទីនោះប្រាកដជាមាន អំពើហឹង្សា និងក្លាយជាតំបន់ អសន្តិសុខនាពេលខាងមុខ

ពាក់ព័ន្ធទៅហ្នឹង ទីតាំងល្បែងស៊ីសងខាងលើនេះ ពលរដ្ឋជាច្រើន ស្នើសុំដល់អាជ្ញាធរពាក់ព័ន្ធក្នុងមូលដ្ឋាន ដែលមានលោក ម៉ូវ ម៉ានិត អភិបាលខណ្ឌសែនសុខ ហើយនិងលោក ហួរ ម៉េងវ៉ាង អធិការនៃអធិការដ្ឋាននគរបាលខណ្ឌសែនសុខ សូមមេត្តាចាត់តាំងមន្ត្រីជំនាញចុះបង្ក្រាបទប់ស្កាត់ទីតាំងបទល្មើសខាងលើនេះផងទាន៕

ក្រុមការងារអ្នកសារព័ត៌មានយើងរងចាំ ការឆ្លើយបំភ្លឺ គ្រប់ស្ថាប័ន ពាក់ព័ន្ធ គ្រប់ពេលម៉ោងធ្វើការ តាមរបបអ្នកសារព័ត៌មាន សូមអរគុណ៕