ជាង១ឆ្នាំ អគ្គនាយកដ្ឋានបច្ចេកវិទ្យាឌីជីថល និង ផ្សព្វផ្សាយអប់រំ ក្លាយជាវិស្វករបច្ចេកវិទ្យាដ៏សកម្មនៃ ក្រសួងមហាផ្ទៃ!

(ភ្នំពេញ)​:រយៈពេលជាង១ឆ្នាំ អគ្គនាយកដ្ឋានបច្ចេកវិទ្យា ឌីជីថល និងផ្សព្វផ្សាយអប់រំ បានផ្តល់ការគាំទ្រ ការងារអភិវឌ្ឍន៍ស៊ុសវែរថ្នាល ជូនអគ្គនាយក ដ្ឋានក្រោមចំណុះក្រសួងមហាផ្ទៃ ប្រើប្រាស់ ចំនួន១២ប្រព័ន្ធ និងកំពុងអភិវឌ្ឍបន្ថែមចំនួន១០ ប្រពន្ធ។ នេះបើតាមការថ្លែងឱ្យដឹងរបស់ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយ អប់រំ នៃក្រសួងមហាផ្ទៃ។ បើតាមឯកឧត្តមអគ្គនាយក ដើម្បីគាំទ្រការដ្ឋានការងារឌីជីថលដ៏ជឿនលឿន នេះ អគ្គនាយកដ្ឋានបានរៀបចំ និងសហការ រៀបចំវគ្គបណ្តុះបណ្តាលជំនាញឌីជីថលដល់មន្ត្រី ពាក់ព័ន្ធចំនួន ១ ៧២០រូប ក្នុងវគ្គបណ្តុះបណ្តាល ចំនួន២២វគ្គ។

ឈើលើមូលដ្ឋាននៃការបណ្តុះបណ្តាល ធនធានមនុស្សក្នុងបរិបទបច្ចេកវិទ្យាស្របតាម យុទ្ធសាស្ត្របញ្ចកោណរបស់រាជរដ្ឋាភិបាលកម្ពុជា ក្រោមការដឹកនាំដឹកនាំប្រកបដោយប្រតិភាណរបស់ សម្តេចមហាបររធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា នាព្រឹកថ្ងៃទី៤ ខែមេសានេះ អគ្គនាយក ដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ដោយ ទទួលបានគោលការណ៍អនុញ្ញាតពី ឯកឧត្តមអភិ សន្តិបណ្ឌិត ស សុខា រដ្ឋមន្ត្រីក្រសួងមហាផ្ទៃ បាន រៀបចំសិក្ខាសាលាស្តីពី «បរិវត្តកម្មប្រព័ន្ធបច្ចេកវិទ្យា ឌីជីថលក្រសួងមហាផ្ទៃ» ក្នុងគោលបំណង ដើម្បី បញ្ចៀបចំណេះដឹងពាក់ព័ន្ធនឹងវិស័យឌីជីថល ដល់ មន្ត្រីរាជការចំណុះក្រសួងមហាផ្ទៃ។

គឺនៅក្នុងឱកាសនៃពិធីបើកសិក្ខាសាលានោះ ហើយដែល ឯកឧត្តម ឧត្តមសេនីយ៍ឯក ហោ សំអាត បានលម្អិតឱ្យដឹងអំពីការគាំទ្រលើការងារអភិវឌ្ឍស៊ុល វែរជូនអគ្គនាយកដ្ឋានក្រោមចំណុះ ទាំង១២ប្រព័ន្ធ នោះ មានជាអាទិ៍ ប្រព័ន្ធផ្សព្វផ្សាយ ប្រព័ន្ធតាមដាន ប្រមូល វិភាគព័ត៌មាន និងឆ្លើយតប ប្រព័ន្ធព័ត៌មាន ទាន់ហេតុការណ៍ក្រសួងមហាផ្ទៃ ប្រព័ន្ធស្វែងរក ជំនួយបន្ទាន់ ប្រព័ន្ធគ្រប់គ្រងលំហូរឯកសាររដ្ឋបាល អេឡិចត្រូនិក ការរៀបចំប្រព័ន្ធជំនួយការប្រជុំ និង បណ្ណាល័យសធារណៈ ប្រព័ន្ធគ្រប់គ្រងគម្រោង និង ផែនការសកម្មភាព ប្រព័ន្ធគ្រប់គ្រងគណនីតែមួយ គេហទំព័រផ្លូវការសាលាជាតិរដ្ឋបាលមូលដ្ឋាន គេហទំព័រ និងកម្មវិធីទូរសព្ទដៃក្រសួងមហាផ្ទៃ ប្រព័ន្ធ គ្រប់គ្រងទិន្នន័យឧក្រិដ្ឋជន ប្រព័ន្ធគ្រប់គ្រងទិន្នន័យ មន្ត្រីរាជការនៅរដ្ឋបាលថ្នាក់ជាតិ ថ្នាក់ក្រោមជាតិ និង ក្រុមប្រឹក្សារដ្ឋបាលថ្នាក់ក្រោមជាតិរបស់អគ្គនាយក ដ្ឋានរដ្ឋបាល។

ចំណែក១០ប្រពន្ធទៀតដែលអគ្គនាយកដ្ឋានកំពុង អភិវឌ្ឍន៍ បើតាម ឯកឧត្តម ហោម សំអាត រួមមាន ប្រព័ន្ធគ្រប់គ្រងការផ្ទៀងផ្ទាត់ទិន្នន័យអតីតមន្ត្រី រាជការស៊ីវិល មន្ត្រីពនន្ធនាគារ មន្ត្រីនគរបាលជាតិ និងកងយោធពលខេមរភូមិន្ទ ប្រព័ន្ធផ្ទាលផ្លាស់ប្តូរ ទិន្នន័យក្រសួងមហាផ្ទៃ គម្រោងតភ្ជាប់បីប្រព័ន្ធ ច្រកចេញចូលតែមួយ ទៅកាន់ប្រព័ន្ធមន្ទីររៀបចំ ដែនដីនគរូបនីយកម្ម សំណង់ និងសុរិយោដី ប្រព័ន្ធ គ្រប់គ្រងបណ្តាអាវុធ គម្រោងតភ្ជាប់ទិន្នន័យ នៃ ការចុះបញ្ជីយានយន្ត ការផ្ទៀងផ្ទាត់ទិន្នន័យបណ្ណ បើកបរយានយន្ត និងការផ្ទៀងផ្ទាត់អត្តសញ្ញាណ ប័ណ្ណប្រជាពលរដ្ឋ ប្រព័ន្ធគ្រប់គ្រង និងផ្តល់សេវា តាមយន្តការច្រកចេញចូលតែមួយនៅរដ្ឋបាល ថ្នាក់ក្រោមជាតិ ប្រព័ន្ធព័ត៌មានវិទ្យាសម្រាប់ចុះបញ្ជី និងគ្រប់គ្រងទិន្នន័យសមាគមរបស់អគ្គនាយកដ្ឋាន រដ្ឋបាល និងប្រព័ន្ធគ្រប់គ្រងទិន្នន័យផែនទីព្រំប្រទល់ រដ្ឋបាលដែនដី របស់អគ្គនាយដ្ឋានរដ្ឋបាល។

សូមបញ្ជាក់ថា សម្តេចមហាបររធិបតី ហ៊ុន ម៉ាណែ ត នាយករដ្ឋមន្ត្រីនៃព្រះរាជណាចក្រកម្ពុជា បាន ចុះហត្ថលេខានាថ្ងៃទី២៤ ខែសីហា ឆ្នាំ២០២៣ លើអនុក្រឹត្យស្តីពី «ការបង្កើតអគ្គនាយកដ្ឋាន បច្ចេកវិទ្យាឌីជីថល និងផ្សព្វផ្សាយអប់រំ ចំណុះ ក្រសួងមហាផ្ទៃ»។ ក្នុងក្របខណ្ឌក្រសួងមហាផ្ទៃ និងក្រោមការដឹកនាំរបស់ឯកឧត្តមអភិសន្តិបណ្ឌិត អគ្គនាយកដ្ឋានថ្មីនេះ ដើរតួនាទីស្នូលជាសេនាធិការ លើការងាររដ្ឋបាលឌីជីថល ស្របតាមមុំទី៥ នៃយុទ្ធ សាស្ត្របញ្ចកោណ៕

ផ្សាយ​:ថ្ងៃទី​៥ ខែមេសា​ ឆ្នាំ២០២៥

ដោយ:និពន្ធ​នាយករង​អង្គភាព​អាស៊ាន​ដេ​លី

សៅ​ វាសនា​(Harry​ VS)