អភិបាលខេត្តព្រះសីហនុ និងលោកជំទាវ សេង សុមេត្តា រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងព្រះសីហនុ និងក្រុងកោះរ៉ុង អញ្ជើញចូលរួមបើកព្រឹត្តិការណ៍ «សង្ក្រាន្តអ្នកកោះ ដើម្បីទេសចរណ៍កោះរ៉ុង» ដែលប្រព្រឹត្តទៅចាប់ពីថ្ងៃទី០៥ ដល់ ថ្ងៃទី១៦ ខែមេសា ឆ្នាំ២០២៥ ដើម្បីចូលរួមអបអរសាទរ ពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំម្សាញ់ សប្តស័ក ព.ស.២៥៦៨។
(ខេត្តព្រះសីហនុ): ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ និងលោកជំទាវ សេង សុមេត្តា រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានក្រុងព្រះសីហនុ និងក្រុងកោះរ៉ុង រសៀលថ្ងៃទី៥ ខែមេសា ឆ្នាំ២០២៥ បានអញ្ជើញដឹកនាំមន្ត្រីរដ្ឋបាលខេត្តចូលរួមក្នុងពិធីបើកព្រឹត្តិការណ៍ «សង្ក្រាន្តអ្នកកោះ ដើម្បីទេសចរណ៍កោះរ៉ុង» ដែលប្រព្រឹត្តទៅចាប់ពីថ្ងៃទី០៥ ដល់ ថ្ងៃទី១៦ ខែមេសា ឆ្នាំ២០២៥ ដើម្បីចូលរួមអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំម្សាញ់ សប្តស័ក ព.ស.២៥៦៨។
ឯកឧត្តម ម៉ាង ស៊ីណេត អភិបាលខេត្តព្រះសីហនុ និងលោកជំទាវសេងសុមេត្តា ក៏បានធ្វើការ សំណេះសំណាលជាមួយប្រជាពលរដ្ឋអ្នកកោះ ក៏ដូចជាភ្ញៀវទេសចរជាតិ អន្តរជាតិ និងចូលរួមលេងល្បែងប្រជាប្រិយ៍ខ្មែរ ព្រមទាំងរាំលេងយ៉ាងសប្បាយស្និទ្ធិស្នាលជាអ្នកកោះដែលបានមកចូលរួមលេងកម្សាន្តក្នុងពិធីសង្ក្រាន្ត ក្នុងនោះគេសង្កេតឃេីញមានការសម្តែងសិល្បៈ បុរាណខ្មែរមានដូចជា របាំឆៃយ៉ាំ របាំជូនពរ របាំគ្រុឌ រាំវង្ស សារ៉ាវ៉ាន់ ឡាំលាវ និងមានលេងល្បែង ប្រជាប្រិយ៍ជាច្រើនផ្សេងទៀតមានដូចជា វាយក្អម លោតបារផងដែរ។
ផ្សាយ:ថ្ងៃទី០៥ ខែមេសា ឆ្នាំ២០២៥
រូបថត:រដ្ឋបាលខេត្តព្រះសីហនុ
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ
សៅ វាសនា(HarryVS)
