ក្រុមការងារជំរុញការវិនិយោគក្នុងខេត្តព្រះសីហនុ សម្រេចជាគោលការណ៍ផ្តល់ការលើកទឹកចិត្តជាពិសេស លេីគម្រោងវិនិយោគចំនួន ១៨គម្រោងទូទាំងខេត្ត មានទុនវិនិយោគសរុប ២០៥លានដុល្លារអាមេរិក ក្នុងនោះមានគម្រោងពាក់ព័ន្ធនឹងអគារជាប់គាំង ចំនួន ៥គម្រោង និងគម្រោងថ្មីចំនួន ១៣គម្រោង.
(ខេត្តព្រះសីហនុ):យោងតាមប្រសាសន៍របស់លោក ឃាង ភារម្យ នាយកទីចាត់ការផែនការវិនិយោគខេត្តព្រះសីហនុ នៅថ្ងៃទី៩ ខែមេសា ឆ្នាំ២០២៥នេះ ក្រុមការងារជំរុញការវិនិយោគក្នុងខេត្តព្រះសីហនុ សម្រេចជាគោលការណ៍ផ្តល់ការលើកទឹកចិត្តពិសេស គម្រោងវិនិយោគចំនួន ១៨គម្រោង មានទុនវិនិយោគសរុប ២០៥លានដុល្លារអាមេរិក ក្នុងនោះមានគម្រោងពាក់ព័ន្ធនឹងអគារជាប់គាំង ចំនួន ៥គម្រោង និងគម្រោងថ្មីចំនួន ១៣គម្រោង និងអាចបង្កើតការងារប្រមាណ ២ ៩១៦កន្លែង ជាអាទិ៍ រោងចក្រស្ល និងកែច្នៃលោហៈធាតុ, រោងចក្រកែច្នៃកាកសំណល់, រោងចក្រផលិតផលិតផលធ្វើពីក្រដាស, អគារការិយាល័យ, អគារស្នាក់នៅរួម, សណ្ឋាគារ និងស្ថានីយទូរទស្សន៍។
សូមជម្រាបជូនថា គិតត្រឹមខែមេសា ឆ្នាំ២០២៥ ក្រុមការងារជំរុញការវិនិយោគក្នុងខេត្តព្រះសីហនុ បានសម្រេចជាគោលការណ៍ផ្តល់ការលើកទឹកចិត្ត គម្រោងវិនិយោគបានចំចំនួន ២៨៧គម្រោង មានទុនវិនិយោគសរុប ចំនួន ៦,៨៧៥ លានដុល្លារអាមេរិក។
ផ្សាយ:ថ្ងៃទី៩ ខែមេសា ឆ្នាំ២០២៥
ប្រភព:នាយកទីចាត់ការផែនការវិនិយោគសាលាខេត្តព្រះសីហនុ
ដោយ:និពន្ធនាយករងអង្គភាពអាស៊ានដេលីប្រចាំខេត្តព្រះសីហនុ
សៅ វាសនា(Harry VS)
