បែកធ្លាយ ហាងកាហ្វេ យីហោ (តូតូកាហ្វេ )បង្កប់ល្បែងស៉ីសង ប្រភេទកាស៉ីណូអនឡាញវគ្គ១
ផ្សាយចេញនៅថ្ងៃទី១៩ខែកុម្ភះ ឆ្នាំ២០២២
(ខណ្ឌមានជ័យ}៖ ទីតាំងបង្កប់ល្បែងសុីសងតាមអនឡាញដ៏ធំនៅហាងការហ្វេមួយកន្លែងមានយីហោ(តូតូ កាហ្វេ ToTo cafe) ដែលមានទីតាំង តាមបណ្ដោយផ្លូវ២១៧ ក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ
ប្រជាពលរដ្ឋ រស់នៅជិតទីតាំងខាងលើ សូមសំណូមពរលោក ពេជ្រ កែវមុនី អភិបាលខណ្ឌមានជ័យ និងលោក អ៊ុក បូនីន អធិការខណ្ឌមានជ័យ មេត្តាចាត់វិធានការក្តៅ ចំពោះទីតាំង បនល្បែងខាងលើ ដោយក្តីអនុគ្រោះ ពីព្រោះទីណាមានល្បែងស៉ីសង ទីនោះនិងក្លាយជាតំបន់អសន្តិសុខ នាពេលខាងមុខ
ពលរដ្ឋនិងមហាជនសំណូមពរ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងឯកឧត្តម ស ថេត អគ្គស្នងការរង និងជាស្នងការរាជធានីភ្នំពេញ សូមមេត្តាចាត់កម្លាំងជំនាញចុះត្រួតពិនិត្យនិងបង្ក្រាបទីតាំងបនល្បែងស៊ីសងខាងលើនេះផង។
ក្រុមការងារអ្នកសារព័ត៌មានយើង រងចាំការឆ្លើយបំភ្លឺ គ្រប់ស្ថាប័ន ពាក់ព័ន្ធ គ្រប់ពេល ម៉ោងធ្វើការ តាមរបបអ្នកសារព័ត៌មាន សូមអរគុណ៕