រណ្តៅដីក្នុងភូមិល្អាងសិលាឃុំអូរបីជាន់កំពុងធ្វើសកម្មភាពជីកដឹកជញ្ជូនអាចម៍ដីយ៉ាងគគ្រឹងគ្រេង ដោយមិនរំខាន ស្ថាប័នពាក់ព័ន្ធ វគ្គ១

ចេញផ្សាយថ្ងៃទី២០.០២.២០២២

បន្ទាយមានជ័យ: ប្រជាពលរដ្ឋក្នុងមូលបានប្រាប់អង្គភាពសារព័ត៌មានយើងអោយដឹងថា៖អាជីវកម្មរណ្តៅដីក្នុងភូមិល្អាងសិលាកំពុងជីកកាយអាចម៍ដីយ៉ាងគឃ្លើនសង្ស័យគ្មានច្បាប់អនុញ្ញាតសូមអាជ្ញាធរស្រុកអូរជ្រៅនិងមន្ទីររ៉ែ និងថាមពលខេត្តបន្ទាយមានជ័យមានវិធានការទប់ស្កាត់ ស្ថិតក្នុងភូមិល្អាងសិលា ឃុំអូរបីជាន់ ស្រុក អូរជ្រៅ ខេត្តបន្ទាយមានជ័យ ដឹកជញ្ជូនអាចម៌ដី លក់ ពេញទំហឹងជារាងរាល់ថ្ងៃ តាមបណ្តោយផ្លូវជាតិលេខ ៥៨ ដឹកមកចាក់នៅ ក្រុងប៉ោយប៉ែត បរិវេណ ស្ទឹងបទ

ប្រជាពលរដ្ឋបានលើកឡើងថាម្ចាស់អាជីវកម្មរណ្ដៅដីមួយកន្លែងនេះជីកយកអាចម៍ដីដឹកជញ្ជូនយ៉ាងអនាធិបតេយ្យរាល់ថ្ងៃដោយមិនគិតពីផលប៉ះពាល់របស់បងប្អូនប្រជាពលរដ្ឋរស់នៅក្នុងមូលដ្ឋាន!!រីឯការដឹកជញ្ជូនវិញធ្វើឲ្យមានការប៉ះពាល់បណ្តាលជ្រុះអាចម៌ដី រាយប៉ាយ ពេញផ្លូវជាតិលេខ ៥៨ តែម្តង។

ប្រជាពលរដ្ឋ នៅភូមិសិលាខ្មែរបានត្អូញត្អែលប្រាប់អ្នកសារព័ត៌មានយើងនិងសំណូមពរអោយជួយចុះផ្សាយផង៖បើរថយន្តដឹកជញ្ជូនដីទាំងនោះបើកបរល្បឿនលឿនធ្វើឲ្យពួកគាត់មានការបារម្ភជាខ្លាំងពីសុវត្ថិភាពពួកគាត់និងកូនៗរបស់គាត់ធ្វើដំណើរលើដងផ្លូវ៥៨ម្តងៗ

ពោល៖ទីណាមានរណ្តៅដីជីកនិងជញ្ជូនដោយរថយន្តកែឆ្នៃទីកន្លែងនោះគង់តែមានគ្រោះថ្នាក់ចរាចរណ៍ដោយយថាហេតុណាមួយដោយសារតែបើកបរល្បឿនលឿនដោយមិនគោរពច្បាប់។

ជាពិសេសពួកគាត់បើកបរម៉ូតូពេលមានភ្លៀងធ្លាក់ ឬ ផ្លូវសើម បណ្តាលអោយពួកគាត់រអិលដួល ជាបន្តបន្ទាប់ បង្កដោយសារ អាចម៌ដី ដែលធ្លាក់រាយប៉ាយលើដងផ្លូវនៅចំណុច មុខផ្លូវចេញ-ចូល ទៅរណ្តៅ ដីមួយនេះ ។

ប្រជាពលរដ្ឋមហាជនជាច្រើនស្នើសុំដល់លោក យឹម សំណាង អភិបាលស្រុកអូរជ្រៅ គួរតែគិតគូដល់សុខទុកសុវត្ថិភាព

លោក សុត វឌ្ឍនា ប្រធានមន្ទីរ រ៉ែ និងថាមពល ខេត្តបន្ទាយមានជ័យ គួរមានចំណាប់ការ ក្នុងការទប់ស្កាត់ ឬមួយក៏ត្រូវថ្នាំសន្តំអស់ទៅហើយ បានជាទុកបណ្តោយ អោយក្រុមអាជីវកម្ម បន្តសកម្មភាព យ៉ាងគឃ្លើន បែបនេះ

ជុំវិញការចុះផ្សាយខាងលើនេះ ក្រុមការងារអង្គភាពសារព័ត៌មានយើង រង់ចាំការបំភ្លឺពីអាជ្ញាធរពាក់ព័ន្ធនិងម្ចាស់ទីតាំង អាជីវកម្មរណ្តៅដីរៀងរាល់ម៉ោងធ្វើការ តាមរបបអ្នកសារព័ត៌មាន សូមអរគុណ៕