ផ្សាយចេញនៅថ្ងៃទី២០ខែកុម្ភះឆ្នាំ២០២២
(ភ្នំពេញ)៖ ទីតាំងចាក់ភ្នាល់បាល់
ល្បែងស៊ីសង ភ្នាល់បាល់ កំពុងដំណើរការយ៉ាងសកម្ម នៅតាមបណ្ដោយផ្លូវលេខ 47កែងផ្លូវ88ដែលស្ថិតក្នុងសង្កាត់វត្តភ្នំខណ្ឌដូនពេញ ដោយមិនឃើញមានសមត្ថកិច្ចអាជ្ញាធរដែនដីសង្កាត់ឬខណ្ឌចាត់វិធានការបង្ក្រាបនោះឡើយ។
ទីតាំងកត់បាល់ ស្ថិតនៅតាមបណ្ដោយផ្លូវលេខ 47កែង ផ្លូវ88 មានអ្នកចាក់បាល់ដែលចតម៉ូតូព្រោងព្រាតលើចិញ្ចើមផ្លូវ ដោយមិនខ្វល់អំពីបញ្ហាសណ្ដាប់ធ្នាប់ ពួកអ្នកញៀនល្បែងភ្នាល់បាល់ទាំងហ្វូងចូលទៅចាក់បាល់នៅក្នុងទីតាំងខាងលើ តើហេតុអ្វីបានជា អាជ្ញាធរមូលដ្ឋាន ហាក់បីដូចជា មើលមិនឃើញ ឬក៏ត្រូវ មន្តអាគម សន្តំចិត្ត ដេកលុងលក់ អស់ទៅហើយល្បែងប្រជាប្រិយ សម័យទំនើប ឆ្នាំ២០២២ រីកសាយ ដូចផ្សិត ត្បិតអាជ្ញាធរ កំពុងដេកលុងលក់អស់ហើយមើលទៅ បានជាទុកបណ្តោយអោយក្រុមញៀនល្បែងសុីសងទាំងនោះ បើកលេងបានយ៉ាងរលូនដោយគ្មានខ្លាចអាជ្ញាធរមានសមត្ថកិច្ចពាក់ព័ន្ឋចុះមកបង្រ្កាបទាល់តែសោះ ។
លោក សុខ ពេញវុធ អភិបាលខណ្ឌដូនពេញនិងលោក ទៀងចន័្ចសារ អធិការនគរបាលខណ្ឌដូនពេញ មានសមត្ថភាពក្នុងការចុះបង្ក្រាប បនល្បែងស៊ីសងខាងលើ នោះដែលឬទេ?
ប្រជាពលរដ្ឋ និងអង្គការសង្គម ស៉ីវិល កំពុងរងចាំមើលថាតើឯកឧត្តម ឃួង ស្រេង អភិបាល រាជធានីភ្នំពេញ ធ្លាប់កើន រំលឹក ក្នុងករណី ការចុះបង្ក្រាប ទីតាំងអ្មកញៀនល្បែង គ្រប់ប្រភេទ ទាំង១៤ខណ្ឌ ដើម្បីរក្សា សណ្តាប់ធ្នាប់ របៀបរៀបរយ សន្តិសុខ តាមបទបញ្ជា 006 របស់អគ្គស្នងការ នគរបាល ជាតិនៃក្រសួងមហាផ្ទៃ មានវិធានការ យ៉ាងណាវិញចំពោះ ទីតាំងក្រុមញៀនល្បែង
ពលរដ្ឋនិងមហាជនសំណូមពរដល់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងឯកឧត្តម ស ថេត អគ្គស្នងការរង និងជាស្នងការរាជធានីភ្នំពេញ សូមមេត្តាចាត់កម្លាំងជំនាញចុះត្រួតពិនិត្យនិងបង្ក្រាបទីតាំងបនល្បែងស៊ីសងខាងលើនេះផង។
ក្រុមការងារអ្នកសារព័ត៌មាន យើង រងចាំការឆ្លើយបំភ្លឺ គ្រប់ ស្ថាប័នពាក់ព័ន្ធ គ្រប់ពេលម៉ោងធ្វើការ តាមរបបអ្នកសារព័ត៌មាន សូមអរគុណ៕ admin