លោក សាង ង៉ែត បានស្នើសុំ ដល់អង្គភាព អ្នកសារព័ត៌មាន ជួយផ្សព្វផ្សាយ និងស្រែកថា:អយុត្តិធម៌ មុនពេលគាត់ស្លាប់ ដោយសារ គាំងបេះដូង វគ្គ១

ផ្សាយចេញនៅថ្ងៃទី ២ខែមិនាឆ្នាំ២០២២

រាជធានីភ្នំពេញ : យោងឯកសារបែកធ្លាយរបស់ រដ្ឋសភា លេខ:០៩០ រសភ១ សំណើរបស់ឈ្មោះ សាង ង៉ែត ស្នើសុំជួយដោះស្រាយប្រាក់គោលនយោបាយចំពោះដីរបស់គាត់ចំនួន ៥កន្លែង មានទំហំសរុប ៣០៨៣៦,៨៧ម៉ែត្រការ៉េ ស្ថិតនៅភូមិខ្វា សង្កាត់ដង្កោ ខណ្ឌដង្កោ និងនៅភូមិត្នោតជ្រុំ សង្កាត់បឹងទំពុន ខណ្ឌមានជ័យ រាជធានីភ្នំពេញ។

ពាក្យបណ្តឹងរបស់ឈ្មោះ សាង ង៉ែត ចុះថ្ងៃទី១២ ខែកញ្ញា ឆ្នាំ២០១៩។
សេចក្ដីដូចមានចែងក្នុងកម្មវត្ថុ និងយោងខាងលើ ខ្ញុំសូមជម្រាបជូន ឯកឧត្តមអភិបាលរាជធានីភ្នំពេញ ជ្រាបថា:លោកសាង ង៉ែត រស់នៅភូមិត្នោតជ្រុំ សង្កាត់បឹងទំពុន ខណ្ឌមានជ័យ រាជធានីភ្នំពេញ បានគោរពស្នើសុំ សម្តេច អគ្គមហា ពញាចក្រី ប្រធានរដ្ឋសភា ជួយធ្វើអន្តរាគមន៍ទៅ ឯកឧត្តមអភិបាលរាជធានី ដើម្បីសុំជួយដោះស្រាយប្រាក់គោលនយោ បាយចំពោះដីរបស់គាត់ចំនួន ៥កន្លែង ទំហំសរុប ៣០៨៣៦,៨៧ ម៉ែត្រការ៉េ ស្ថិតនៅភូមិខ្វា សង្កាត់ដង្កោ ខណ្ឌដង្កោ និងនៅភូមិ ត្នោតជ្រុំ សង្កាត់បឹងទំពុន ខណ្ឌមានជ័យ រាជធានីភ្នំពេញ ដែលស្ថិតនៅក្នុងតំបន់នៃរដ្ឋបាលរាជធានីភ្នំពេញ បានជូនដំណឹងស្តីពី ការវាស់វែង និងការកំណត់ព្រំដីក្នុងបឹងជើងឯក ស្ថិតនៅខណ្ឌមានជ័យ និងខណ្ឌដង្កោ រាជធានីភ្នំពេញ។

ករណីនេះគាត់បាន ស្នើសុំទៅប្រធានមន្ទីររៀបចំដែនដី នគរូបនីយកម្មសំណង់ និងសុរិយោដីរាជធានីភ្នំពេញ ដើម្បីសុំជួយដោះស្រាយប្រាក់គោល នយោបាយដល់គាត់តរហូតមកដល់ពេលនេះនៅពុំទាន់បានដោះស្រាយនៅឡើយទេ ។

អាស្រ័យហេតុនេះ គណៈកម្មការសិទ្ធិមនុស្ស ទទួលពាក្យបណ្តឹង អង្កេត និងទំនាក់ទំនងរដ្ឋសភា ព្រឹទ្ឋសភា សូមបញ្ជូនសំណើនេះជូន ឯកឧត្តមអភិបាលរាជធានី ដើម្បីពិនិត្យ និងដោះស្រាយជាសមត្ថកិច្ចតាមការគួរ ហើយសូមផ្ដល់ នូវលទ្ធផលនៃការដោះស្រាយមកគណៈកម្មការវិញ តាមកាលវេលាដ៏សមគួរ

សូម ឯកឧត្តមអភិបាលរាជធានីភ្នំពេញ ទទួលនូវការរាប់អានដ៏ជ្រាលជ្រៅ អំពីខ្ញុំ៕
ធ្វើនៅថ្ងៃ ព្រហស្បតិ៍១៣រោច ខែភទ្របទឆ្នាំកុរ ឯកស័ក ព.ស២៥៦៣រាជធានីភ្នំពេញ,ថ្ងៃទី ២៦ ខែ កញ្ញា ឆ្នាំ២០១៩ ជ.គណ:កម្មការ ប្រធាន ហេត្ថលេខា ប្រាជ្ញ ចន្ទ។

បានឃើញ និងបញ្ជូនមក ឯកឧត្តម អភិបាលនៃគណ:អភិបាលរាជធានីភ្នំពេញ ថ្ងៃសុក្រ៦កើត ខែអស្សុជ ឆ្នាំកុរ ឯកស័ក ព.ស២៥៦៣ រាជធានីភ្នំពេញ ថ្ងៃទី៤ខែតុលាឆ្នាំ២០១៩ ប្រធាន រដ្ឋសភា ហេត្ថលេខានិងត្រា សម្តេច អគ្គពញាចក្រី ហេង សំរិន ។

យោងតាមការស្នើសុំ របស់ លោក សាង ង៉ែត បានរៀបរាប់ ប្រាប់អ្នកសារព័ត៌មានយើង មុនពេលលោកស្លាប់ នៅថ្ងៃទី២៦ខែកុម្ភ:ឆ្នាំ២០២២ នេះថា:ដីដែលដោះស្រាយ គោលនយោបាយ នៅជិតៗគាត់ គេទទួលបានប្រាក់ហើយ នៅឡើយ តែគាត់តើមកពីហេតុអ្វី លោក សាង ង៉ែត នៅតែទទូចស្នើសុំ តាមរយ:អ្នកសារព័ត៌មាន ដល់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ មេត្តាជួយជម្រុញ ក្នុងករណីរឿងនេះផង ដោយក្តីអនុគ្រោះ

លោក សាង ង៉ែត បានមរណភាព នៅថ្ងៃទី១ខែមិនា ឆ្នាំ២០២២ តែអ្វីដែលអ្នកសារព័ត៌មាន ទទួលនៃការស្នើសុំ ពីលោកពូ មុនពេលលាចាកលោកនេះទៅ អង្គភាព អ្នកសារព័ត៌មាន សូមរក្សាលំនឹងនៃការផ្សាយ និងមានការចែករំលែក ទៅគេហទំព័រ នៃអង្គភាព ផ្សេង យោងតាមសំណើរ របស់ជនរងគ្រោះ មុនពេលស្លាប់

ក្រុមការងារអ្នកសារព័ត៌មាន យើង មិនអាចសុំការបំភ្លឺ ពីសំណាក់ ប្រធាន មន្ទីរ រៀបចំដែនដីនគរូបនីយកម្មនិងសំណង់ រាជធានី បានទេ ដោយសារពុំមានលេខទូរស័ព្ទ ក្នុងការទំនាក់ទំនង

ក្រុមការងារអ្នកសារព័ត៌មាន យើង រងចាំ ការឆ្លើយបំភ្លឺ គ្រប់ស្ថាប័នពាក់ព័ន្ធ គ្រប់ពេលម៉ោង ធ្វើការ តាមរបបអ្នកសារព័ត៌មាន សូមអរគុណ។admin:001