បែកធ្លាយរឿងលោកចៅសង្កាត់ព្រែកប្រា ពិតជាមានខ្នងបង្អែកដ៏រឹងមាំ ទោះបី ខ្លួនធ្វើអ្វី រំលោភ ច្បាប់ភូមិបាល ក៏មិនមានអ្នកណាហ៊ានប៉ះ ពិតជាហ៊ុយៗ

ផ្សាយចេញនៅថ្ងៃទី0៨ខែមីនាឆ្នាំ២០២២

តាមប្រភពព័ត៌មានដែលបានបែកធ្លាយចេញពីបណ្ដាញសង្គមបានឲ្យដឹងថាលោក ងិន ធីរ៉ូ បានធ្វើអត្តសញ្ញាណប័ណ្ណសញ្ជាតិខ្មែរនិងសំបុត្រកំណើតឱ្យទៅស្ត្រីម្នាក់ឈ្មោះ ហ្វេ ម៉ះ ដែលកាន់ប៉ាស្ព័រសញ្ជាតិវៀតណាមលេខ B3100814 ដោយស្ត្រីរូបនេះបានបញ្ចូលឈ្មោះទៅសៀវភៅស្នាក់នៅសៀវភៅគ្រួសាររបស់ឈ្មោះមីនម៉ាក់អានខ្លួនចូលក្នុងនាមជាម្ដាយមីងដើម្បីធ្វើអត្តសញ្ញាណប័ណ្ណសញ្ជាតិខ្មែរ ទាំងដែលខ្លួននិយាយខ្មែរមិនច្បាស់

សូមបញ្ជាក់ថាស្ត្រី ឈ្មោះ ហ្វេ ម៉ះ កើតនៅថ្ងៃទី 24 ខែធ្នូ ឆ្នាំ 1976 នៅខេត្ត អាង យ៉ាង ប្រទេសវៀតណាមកាន់ប៉ាស្ព័រសញ្ជាតិវៀតណាមលេខB 31 10 08 14 ត្រូវបានលោកចៅសង្កាត់ព្រែកប្រាធ្វើលិខិតអត្តសញ្ញាណប័ណ្ណសញ្ជាតិខ្មែរនិងសំបុត្រកំណើតអោយ ដែលមានទីលំនៅ ភូមិ 5 ឃុំស្វាយឃ្លាំង ស្រុកក្រូចឆ្មារ ខេត្តកំពង់ចាម កើតនៅថ្ងៃទី 24 ខែធ្នូ ឆ្នាំ 1976 ទីលំនៅបច្ចុប្បន្នភូមិតាពៅ សង្កាត់ព្រែកប្រា ខណ្ឌច្បារអំពៅរាជធានីភ្នំពេញ

ជុំវិញករណីខាងលើនេះក្រុមអ្នកសារព័ត៌មានយើងបានធ្វើការសម្ភាសន៍ជាមួយនឹងលោក ងិន ធីរ៉ូ ផ្ទាល់ ហើយលោកបានឆ្លើយថាមុនពេលដែលលោកធ្វើលិខិតបញ្ជាក់អត្តសញ្ញាណប័ណ្ណសញ្ជាតិខ្មែរនិងសំបុត្រកំណើតនេះលោកមិនបានដឹងថាស្ត្រីឈ្មោះ ហ្វេ ម៉ះ នេះជាជនជាតិវៀតណាមទេ ព្រោះមានឈ្មោះ សេនសាណៈដែលជាម្ចាស់ប័ណ្ណគ្រួសារយកមកធ្វើ នេះជាសម្តី របស់លោក ចៅសង្កាត់ ព្រែកប្រា ហើយលោកបានឆ្លើយទាំងមិនច្បាស់លាស់ថាក្នុងថ្ងៃដែលធ្វើអត្តសញ្ញាណប័ណ្ណនោះស្ត្រីឈ្មោះហ្វេ ម៉ះ មិនបានមកធ្វើអត្តសញ្ញាណប័ណ្ណទេ សំណួរសួរថាបើម្ចាស់សាមីខ្លួនមិនបានមកធ្វើ តើអាចថតអត្តសញ្ញាណប័ណ្ណធ្វើបានដោយរបៀបណាកម្ពស់ប៉ុន្មានស្នាម ម្រាមដៃ ភិនភាគ ស្នាមដៅផ្សេងៗ ដែលជាសំគាល់របស់បុគ្គលរូបនោះបានដោយរបៀបណា ឥឡូវ បែកធ្លាយរឿងធ្វើសំបុត្រ អាពាហ៍ពិពាហ៍ បន្ថែមមួយករណី ទៀត

យោងលើឯកសារ វត្ថុតាង ដែលអ្នកសារព័ត៌មាន យើងទទួលបាន តើលោកចៅសង្កាត់ព្រែកប្រា អាចរួចផុតពីសំណាញ់ច្បាប់ដែរឬទេ ?

អមលើកឯកសារ របស់ ស្ថាប័នប្រឆាំងអំពើពុករលួយ អង្កភាពប្រឆាំងអំពីពុករលួយ លេខ៣៧៤/២១ ចុះថ្ងៃទី ០២ខែធ្នូឆ្នាំ២០២១ ជូន លោក ហិន ធីរ៉ូ ចៅសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ កម្មវត្ថុ :សុំការបំភ្លឺ ករណីចេញលិខិតចម្លង សុំបុត្របញ្ជាក់កំណើត ជូនស្រ្តី ជនជាតិវៀតណាម ឈ្មោះ ហ្វេ ម៉ះ យោងពាក្យប្តឹងដែលអង្កភាព ប្រឆាំងអំពើពុករលួយ ទទួលបាននៅថ្ងៃទី ១២ខែ វិច្ឆិកាឆ្នាំ២០២១ និងស្មារតី អង្គប្រជុំ ពិនិត្យ ពាក្យប្តឹងនៅថ្ងៃទី ១៥ខែ វិច្ឆិកាឆ្នាំ២០២១

ប្រជាពលរដ្ឋ និង និងអង្គការ សង្គមស៊ីវិល កំពុងរងចាំមើលថា តើឯកឧត្តម ឃួង ស្រេង អភិបាលនៃគណៈអភិបាល រាជធានីភ្នំពេញ ចាត់វិធានការយ៉ាងណាវិញ ចំពោះ លោកចៅសង្កាត់ព្រែកប្រា ដែលល្មើសនិងច្បាប់ភូមិបាល ហ៊ានធ្វើ ឯកសារជនជាតិខ្មែរ ឲ្យទៅជនជាតិវៀតណាម ឬក៏ការអនុវត្តច្បាប់ មានស្តង់ដារពីរ?

ប្រជាពលរដ្ឋ និងអង្ករសង្គមស៊ីវិល កំពុងរងចាំមើលថា សម្តេច ក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ មានវិធានការ យ៉ាងណាវិញ ចំពោះលោក ចៅសង្កាត់ព្រែកប្រា ដែលឬទេ ?

ក្រុមអ្នកសារព័ត៌មានយើងនៅរង់ចាំការឆ្លើយបំភ្លឺអំពីសំណាក់លោកចៅសង្កាត់ព្រែកប្រា គ្រប់ពេលម៉ោងធ្វើការ តាមរបបអ្នកសារព័ត៌មាន សូមអរគុណ៕ASEAN DAILY