យោងតាមប្រសាសន៍ដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅព្រឹកថ្ងៃទី ២៥ ខែកញ្ញា ឆ្នាំ ២០២១នេះ តាមរយៈសារជាសំឡេងពិសេស និងបន្ទាន់ជូនជនរួមជាតិខ្មែរ ស្តីពីស្ថានភាពជំងឺកូវីដ-១៩ នៅតាមវត្តអារាមក្នុងឱកាសកាន់បិណ្ឌរយៈពេលប៉ុន្មានថ្ងៃមកនេះ។
ក្នុងនោះដែរ ប្រមុខរាជរដ្ឋាភិបាលកម្ពុជា ក៏បានសម្រេចអនុញ្ញាតឱ្យក្រសួងអប់រំ យុវជន និងកីឡា ពិចារណាបើកដំណើរការឡើងវិញទាំងមហាវិទ្យាល័យរដ្ឋ និង ឯកជន ផងដែរ កាលពីថ្ងៃទី ២៤ ខែកញ្ញា ឆ្នាំ ២០២១។
គួរបញ្ជាក់ផងដែរថា ចំពោះការរៀបចំពិធីបុណ្យកាន់បិណ្ឌ និងត្រូវផ្អាកការរៀបចំចាប់ពីថ្ងៃកាន់បិណ្ឌទី ៤ នេះរហូតដល់ថ្ងៃបុណ្យភ្ជុំបិណ្ឌ។ ដោយគណៈអភិបាលរាជធានី-ខេត្ត ត្រូវធ្វើការសម្របសម្រួលជាមួយយន្តការដែលពាក់ព័ន្ធទាំងអស់ ដើម្បីធានាដល់នាំយកចង្ហាន់ និង ទេយ្យវត្ថុចាំបាច់នានា ប្រគេនដល់ព្រះសង្ឃនៅតាមបណ្ដាទីវត្តអារាមនានា ដែលស្ថិតក្នុងសមត្ថកិច្ចដែនដីរបស់ខ្លួន៕