ភ្នំពេញ៖ នៅតាមបណ្តោយផ្លូវ៥៩៨ សង្កាត់បឹងកក់២ និងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ពោលពេញទៅដោយល្បែងស៊ីសងខុសច្បាប់ តាមប្រព័ន្ធអនឡាញ ដោយគ្មានសមត្ថកិច្ចណាម្នាក់ចេញមុខមកបង្ក្រាបឡើយ។
តាមប្រភពព័ត៌មានពីពលរដ្ឋបានបង្ហើបទាំងភ័យខ្លាចថា ទីតាំងល្បែងស៊ីសងទាំងនោះបើកដំណើរការ២៤ម៉ោង ដោយសម្បុរទៅដោយក្មេងទំនើង ចេញចូលយ៉ាងសស្រាក់សស្រាំ និងសម្បូរទៅដោយជនញៀនថ្នាំ។
ប្រភពបានលើកទៀតថា ទីតាំងល្បែងស៊ីសងខុសច្បាប់តាមប្រព័ន្ធអនឡាញទាំងអស់នេះ គឺជាកន្លែងជួបជុំប្រមូលផ្ដុំដោយពពួកចោរលួច ចោរឆក់ មកពពាក់ពពូនគ្នាលេងយ៉ាងអនាធិបតេយ្យ ចំណែកឯម្ចាស់ទីតាំងទាំងអស់នេះ កំពុងតែប្រមូលលុយពីជនញៀនល្បែងទាំងនោះដោយសប្បាយ។
ពលរដ្ឋជាច្រើនស្នើសុំដល់លោក ម៉ូវ ម៉ានិត អភិបាលខណ្ឌសែនសុខ ហើយនិងលោក ហួរ ម៉េងវ៉ាង អធិការនគរបាលខណ្ឌសែនសុខ សូមលោកទាំងពីរមេត្តាចាត់វិធានការបង្ក្រាបល្បែងស៊ីសងខុសច្បាប់ទាំងនោះផង ដើម្បីចូលរួមអនុវត្តគោលនយោបាយភូមិសង្កាត់មានសុវត្ថិភាពទាំង៧ចំណុច ដែលចេញដោយសម្តេចតេជោ ហ៊ុន សែន នាយករដ្ឋមន្ត្រីនៃ
កម្ពុ