ខេត្តតាកែវ៖ យុវជនដ៏កម្សត់ម្នាក់ ដែលមករស់នៅជាមួយជីដូនចាស់ជរា ត្រូវបានឃាតករ ដែលមិនស្គាល់អត្តសញ្ញាណ កាប់សម្លាប់យ៉ាងសាហាវព្រៃផ្សៃ នៅស្រុកត្រាំកក់។
ហេតុការណ៍នេះបានកើតឡើងនៅយប់ថ្ងៃអាទិត្យទី១០ ខែមេសា ឆ្នាំ២០២២ នៅចំណុចវាលស្រែក្បែរផ្លូវ ស្ថិតនៅស្រែគ្រួ ឃុំជាងទង ស្រុកត្រាំកក់ ខេត្តតាកែវ។
ប្រភពពីសមត្ថកិច្ចបានឲ្យដឹងថា ជនរងគ្រោះមានឈ្មោះ កាន ឆៃរ៉ាត់ ភេទប្រុស អាយុ២២ឆ្នាំ ទីលំនៅភូមិទទឹងថ្ងៃ ឃុំជាងទង ស្រុកត្រាំកក់ បានមកស្នាក់នៅជាមួយជីដូនឈ្មោះ ជា ងឿន អាយុ៧៨ឆ្នាំ ស្ថិតនៅភូមិឃុំខាងលើ។
ក្រោយពីទទួលបានពត៌មានកម្លាំងជំនាញស្នងការដ្ឋាននគរបាលខេត្ត និង កម្លាំងអធិការដ្ឋាននគរបាលស្រុកត្រាំកក់ បានសហការជាមួយក្រុមគ្រូពេទ្យ បានពិនិត្យទៅលើសាកសព ឃើញថាសាកសពត្រូវបាន កាប់ នឹង ចាក់ នៅផ្នែកក្បាល។
បច្ចុប្បន្នកម្លាំងសមត្ថកិច្ចជំនាញកំពុងស្រាវជ្រាវរកមុខសញ្ញាជនដៃដល់ ដើម្បីចាប់ខ្លួនយកមកផ្តន្ទាទោសតាមច្បាប់៕