ទីតាំងល្បែងស៊ីសង សង្វៀនជល់មាន់ និងអាប៉ោង ដ៏ធំ កំពុងតែប្រមូលគ្នាលេងយ៉ាងអនាធិបតេយ្យ ដោយមិនមានការរំខានដល់អាជ្ញាធរនិងសមត្ថកិច្ចពាក់ព័ន្ធ

ភ្នំពេញ៖ តាមបណ្តោយផ្លូវទំនប់កប់ស្រូវ ចូលទៅផ្លូវឌឿងហែម ចំណុចផ្ទះរបងថ្មដ៏ធំស្គឹមស្កៃ ក្នុងសង្កាត់គោករកា ខណ្ឌព្រែកព្នៅ រាជធានីភ្នំពេញ មានទីតាំងល្បែងស៊ីសងខុសច្បាប់ សង្វៀនជល់មាន់ និងអាប៉ោង ដ៏ធំ កំពុងតែប្រមូលផ្ដុំគ្នាលេងយ៉ាងអនាធិបតេយ្យ ដោយគ្មានការរំខានដល់អាជ្ញាធរនិងសមត្ថកិច្ចពាក់ព័ន្ធ នេះហាក់ដូចជាបណ្តែតបណ្ដោយពេកហើយ។

តាមប្រភពព័ត៌មានបានឱ្យដឹងថា ទីតាំងល្បែងស៊ីសងខុសច្បាប់ខាងលើនេះ ទំនងមានខ្នងបង្អែកធំណាស់ហើយមើលទៅ ទើបអាចបើកដំណើរការបានដោយរលូនបែបនេះ។

ប្រភពបន្ថែមថា ទីតាំងសង្វៀនជល់មាន់ ដល់ធំលំដាប់ វីអាយភី ថែមទាំងមានបំពាក់ដោយម៉ាស៊ីនត្រជាក់ ភ្លើងពណ៌ និងមានរថយន្តសេរីទំនើបៗ ជិះចេញចូល យ៉ាងសស្រាក់សស្រាំ បែបនេះ ប្រហែលជាមានការភ្នាល់មិនក្រោមពី ៥០០០ដូល្លារ ទៅ ១០០០០ដូល្លារ ក្នុងមួយគូរ។

ជុំវិញការប្រមូលផ្ដុំគ្នាលេងល្បែងស៊ីសង មាន់ជល់ និងអាប៉ោង មួយកន្លែងនេះ មហាជនជាច្រើន កំពុងតែមានការសង្ស័យថា អាជ្ញាធរនឹងសមត្ថកិច្ចពាក់ព័ន្ធក្នុងមូលដ្ឋាន ប្រហែលជាត្រូវរ៉ូវគ្នាជាមួយម្ចាស់បនល្បែងហើយមើលទៅ ទើបអាចដំណើរការបានដោយរលូនបែបនេះ។

មហាជនបានលើកឡើងដែរថា អោយតែមានល្បែងស៊ីសងខុសច្បាប់ ប្រាកដជាមានបទល្មើសកើតឡើងជាបន្តបន្ទាប់ជាក់ជាមិន ដូចបទល្មើសលួច ឆក់ ប្លន់ ហិង្សា កាប់សម្លាប់គ្នា អំពើពុករលួយ និងភាពអសន្តិសុខក្នុងសង្គមជាដើម។

ពលរដ្ឋនៅតែទទូចស្នើសុំឱ្យអាជ្ញាធរនិងសមត្ថកិច្ច ដែលមានលោកសុខ សម្បត្តិ អភិបាលខណ្ឌព្រែកព្នៅ ហើយនិងលោក ឈិន គឹមផុយ អធិការនគរបាលខណ្ឌព្រែភ្នៅ សូមលោកទាំងពីរចាត់វិធានការបង្ក្រាបទីតាំងល្បែងស៊ីសងខុសច្បាប់ខាងលើនេះផងទាន៕