សម្តេចតេជោ សម្រេចលុបចោលការពាក់ម៉ាស់នៅទូទាំងប្រទេស ចាប់ពីថ្ងៃទី២៦ ខែមេសា នេះតទៅ
ភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីបានប្រកាសលុបចចោលការពាក់ម៉ាស់នៅទូទាំងប្រទេស ចាប់ពីថ្ងៃទី២៦ខែមេសាតទៅ ។
យោងតាមសារសម្លេងពិសេសរបស់សម្តេចតេជោ ហ៊ុន សែន នៅថ្ងៃទី២៦ ខែមេសា ចែកចាយតាមប្រព័ន្ធតេឡេក្រាមថា បន្ទាប់ពីការដឹកនាំប្រជុំដោយឯកឧត្តម អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចហិរញ្ញវត្ថុ និងជាអនុប្រធានគណៈកម្មការប្រយុទ្ធប្រឆាំងជំងឺកូវីដ១៩ រួមមន្ត្រីពាក់ព័ន្ធនានាបានបង្ហាញឲ្យឃើញលទ្ធផលថា លើកលែងកាតព្វកិច្ចពាក់ម៉ាស់នៅទូទាំងប្រទេសចំពោះទីកន្លែងសាធារណៈ និងទីកន្លែងចំហនានា ក្រៅកន្លែងបិទជិត ដោយទុកឲ្យប្រជាពលរដ្ឋទាំងអស់សម្រេចចិត្តខ្លួនឯងពាក់ម៉ាស់ ឬមិនពាក់ម៉ាស់។
សម្តេចបញ្ជាក់ថា៖«បន្ទាប់ពីទទួលសារសម្លេងនេះ បងប្អូនសម្រេចបន្តពាក់ម៉ាស់ ឬមិនពាក់ម៉ាស់នៅកន្លែងសំហក្រៅពីកន្លែងបិទជិត(កន្លែងបិទជិតសំដៅបន្ទប់ប្រជុំដែលដែលមានការបិទជិតហើយប្រើម៉ាស៊ីត្រជាក់ ឬនៅក្នុងរោងចក្រភាពយន្តដែលមានមនុស្សនៅ ទីនោះទេ ដែលប្រើម៉ាស៊ីត្រជាក់ ប៉ុន្តែនៅលំហរអាចដោះចេញ ហើយនៅកន្លែងហំរកន្លែងកម្សាន្តនានាបងប្អូនអាចសម្រេចចិត្តដោយខ្លួនឯង…)ចំពោះទីតាំងមួយចំនួនទៀតរាជរដ្ឋាភិបាលលើកទឹកចិត្តឲ្យមានការពាក់ម៉ាស់ តែមិនកាតព្វកិច្ចឲ្យពាក់នោះទេ ប៉ុន្តែរាជរដ្ឋាភិបាលនៅតែលើទឹកចិត្តឲ្យពាក់ម៉ាស់នៅកន្លែងមានមនុស្សកកកុញ និងកន្លែងសង្ស័ យមានជំងឺកូវីដ»។
សម្តេចបន្តថា នេះជម្រើសដែលល្អបំផុតបន្ទាប់ពីបងប្អូនបានចាក់វ៉ាក់សាំងពេលលេញ រួមមកហើយនៅទីកន្លែងដែលរៀបចំតាមស្តង់ដាដែលរៀបចំដោយក្រសួង ដូចភោជណីយដ្ឋាន ឬកន្លែងមួយចំនួនដែលបិទជិតត្រូវបន្តអនុវត្តតាមនោះ និងតាមទីកន្លែងនីមួយៗដោយមិនស្លា.ប់ក្រឡានោះទេ ។
សម្តេចក៏បានសម្តែងក្តីសង្ឃឹមថា ប្រជាពលរដ្ឋនឹងរំដោះចេញពីការចំណាយផ្ទាល់ខ្លួន ដោយយកការចាក់វ៉ាក់សាំងមកជំនួសដោយការពាក់ម៉ាស់ ។ ប៉ុន្តែដោយធានាភាពរឹងមាំនិងនិរន្ត៍ភាពមិនមានជំងឺឆ្លងបន្តទៀត សូមអំពាវនាវដល់ប្រជាពលរដ្ឋទទួលយកវ៉ាក់សាំងដូសទី៣ ។ ដូសទី៣គឺដូសអប្បរមា ដែលកម្រិតទាំបបំផុតនៅក្នុងប្រទេសរបស់យើង ដែលបងប្អូនដែលបានចាក់ទី២រួចគឺត្រូវចាក់ដូសទី៣។ សម្តេចលើកឡើងថាការចាក់ដូសទី៣គឺជាការការពារអាយុជីវិតក៏ដូចជាក្រុមគ្រួសារ និងខ្លួនយើងម្នាក់ៗ។
សម្តេចបញ្ជាក់ថា៖«ការប្រើប្រាស់ពាក្យថាដូចជាកាតព្វកិច្ចវាមិនពាក់ព័ន្ធនឹងផ្លូវច្បាប់នោះទេការប្រើប្រាស់ពាក្យនេះអាចមានភាន់ច្រឡំ ប៉ុន្តែខ្ញុំនិយាយដូសទី៣នេះបងប្អូនចាក់ ដោយឈរលើកការស្ម័គ្រចិត្ត ហើយបងប្អូនមិនចាក់ក៏មិនរងទទួលការពិន័យរដ្ឋបាលនោះទេ ប៉ុន្តែខ្ញុំនៅតែទទូចឲ្យបងប្អូនជនរួមជាតិទៅបន្តនូវដូសទី៣» ៕