សេង សូណា ទទូចឱ្យជួយនាងផងក្រជិតស្លា.ប់ ក្រោយឃើញខ្ញុងមានអ្នកជួយដូចទឹកបាក់ទំនប់
រាជធានីភ្នំពេញ ៖ អ្នកណាក៏ដឹងថា តារាយេយេប្រកបដោយសម្រស់គួរអោយគយគន់ពីមុន នាង សេង សូណា បានធ្លាក់ខ្លួនទាល់ច្រករកស៊ីខាត និងគេមិនហៅថតសម្តែង យូរៗទៅក៏អស់លទ្ធភាពមានលុយចំណាយ។ នាងក៏បង់រូបបង់ឆោម ប្រែក្លាយជាមុខជាំផ្ទាំងៗ រួមរឹតដោយជំងឺ និងមានតែការចំណាយថ្លៃព្យាបាល។ គ្រប់គ្នាអាណិតនាង ខ្លះជួយនាងជាថវិកា ដើម្បីចំណាយចាំបាច់។ ចុងក្រោយសូណា បានជាពីជំងឺកូវីដ ហើយកំពុងនៅផ្ទះជួលគេនាខេត្តបាត់ដំបង យ៉ាងត្រដាបត្រដួសលំបាក ។
ក្នុងពេលមហាជនខ្លះរំជើបរំជួល អាណិតខ្ញុង នាំគ្នាជួយដូចទឹកបាក់ទំនប់ ធ្វើអោយនាងសេង សូណា ដែលជាតារាសិល្បៈម្នាក់មានគេស្គាល់ដែរ ហាក់ត្រូវបានគេធីប មើលរំលង មិនអើពើ ដែលសូណាចាត់ទុកថា សំណាងនាងតិចណាស់ ។
សេង សូណា បានបង្ហោះសារថា «ហេតុអ្វីបានជាបងៗអ្នកមានមួយចំនួនមិនជួយខ្ញុំ ដូចបងស្រីខ្ញុង ចឹង ហើយខ្ញុំក៏ជាអ្នកសិល្បៈមួយរូបដែរហ្នឹង។ ខ្ញុំទាល់ ខ្ញុំក្រ ហើយខ្ញុំមានជំងឺទៀត សូម្បីតែផ្ទះផ្ទាល់ខ្លួនក៏គ្មាននៅ ហើយនៅផ្ទះជួលគេ ជិតស្លា.ប់ទៅវិញហើយ ។ ហ៊ឺតូចចិត្តណាស់ ធ្វើមិចកើតមកជាតិនេះគ្មានវាសនាដូចគេ ឬក៏ខ្ញុំមិនចេះយំ បានជាគេមិនជឿថា ខ្ញុំវេទនាពិតប្រាកដ ហ៊ឺ 087333349/0885552992 បងៗអើយជួយស៊ែរខ្ញុំផង បើអាណិតនាងខ្ញុំ»។
ទន្ទឹមគ្នានឹងការជាសះស្បើយពីជំងឺកូវីដ១៩ សេង សូណា ក៏បានថ្លែងអំណរគុណដល់ក្រុមគ្រូពេទ្យ និងមិត្តភក្តិដែលបារម្ភ ហើយផ្ញើសារជូនពរនាងផងដែរ។ សេង សូណា លើកឡើងថា «ខ្ញុំសេងសូណា សូមថ្លែងអំណរគុណដល់អ្នកគ្រូ លោកគ្រូពេទ្យទាំងអស់ ដែលមើលថែពួកខ្ញុំបានដិតដល់បានល្អ»។
សូមបញ្ចាក់ថា សេង សូណា ក៏ធ្លាប់បានបញ្ជាក់ដែរថា កន្លងមក ក្រៅតែឆ្លងជំងឺកូវីដ១៩ នាងក៏មានជំងឺប្រចាំកាយដូចជា, លើសឈាម ទឹកនោមប្រៃ ខ្សោយបេះដូង និងឡើងខ្លាញ់ ឡើងអាស៊ីតជាដើម។ នាងក៏បានជំនួយផ្សេងៗជាថវិកាជួយនាងខ្លះ ដូចជាខាងសមាគមសិល្បៈ និងសិល្បករខ្លះទៀត។
នាងថា ដុនដាបបែបនេះ មិនមែនចាញ់បោកប្រុស ឬលេងល្បែងឡើយ ។ ដើមហេតុមកពីនាងរកស៊ីខាតឡុងចុង នៅមុខរបរលក់គ្រឿងសំណង់។ នាងកំពុងនៅខេត្តបាត់ដំបង ដោយជួលផ្ទះគេដើម្បីព្យាបាលបន្ត។ សូណា ចង់បានការថតឡើងវិញ និងចង់មានការងារធ្វើអោយច្រើនតាមបណ្តាហាងផ្សេងៗ ផ្នែកលក់ផលិតផលគ្រឿងសំអាង និងហាងណាក៏ដោយអោយតែគិតថា ជួយនាងបាននាងនឹង មកធ្វើការជូន ជាជាងអង្គុយចាំគេជួយ។
