បទបញ្ជាដ៏ម៉ឺងម៉ាត់លោកស្នងការខេត្តកណ្ដាលឲ្យកម្លាំងព្រហ្មទណ្ឌកម្រិតស្រាលខេត្តចុះបង្ក្រាបភោជនីយដ្ឋាន អាយស៍ផាប់ និងឈានដល់ការឃាត់ខ្លួនមនុស្សប្រុសស្រីបាន៦នាក់

កណ្ដាល៖ យោងតាមបទបញ្ជាដ៏ម៉ឹងម៉ាត់របស់លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្ដាល ដឹកនាំដោយលោកវរសេនីយ៍ឯក ឡាក់ ម៉េងធី នាយការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តកណ្តាល សហការជាមួយកម្លាំងអធិការរដ្ឋាននគរបាលក្រុងតាខ្មៅ នៅយប់ថ្ងៃទី២៦ ខែតុលា ឆ្នាំ២០២១ បានបើកប្រតិបត្តិការចុះបង្ក្រាបទីតាំង ភោជនីយដ្ឋានយីហោ អាយផាប់ ស្ថិតនៅ ភូមិថ្មី២ សង្កាត់តាខ្មៅ ក្រុងតាខ្មៅ ខេត្តកណ្តាល ដែលល្មើសវិធានការរដ្ឋបាល និងឃាត់ខ្លួន មនុស្សប្រុសស្រីបានចំនួន០៦នាក់។ នេះបើយោងតាមលោកវរសេនីយ៍ឯក ឡាក់ ម៉េងធី នាយការិយាល័យព្រហ្មទណ្ឌកម្រិតស្រាលបានប្រាប់យអង្គភាពសារព័ត៌មាន EYE NEWS ដឹងនៅព្រឹកថ្ងៃទី២៧ ខែតុលា ឆ្នាំ២០២១នេះ។

លោកវរសេនីយ៍ឯក ឡាក់ ម៉េងធី បានបន្តថា មនុស្សប្រុសស្រីចំនួន០៦នាក់ដែលបានឃាត់ខ្លួន រួមមាន៖
ទី១-ឈ្មោះ ឡុង លក្ខិណា ភេទស្រី អាយុ ២៨ឆ្នាំ ជនជាតិខ្មែរ មុខរបរ អ្នកចម្រៀង មានទីលំនៅ ផ្ទះ២០, ផ្លូវ៧ (បូរីពិភពថ្មី២) ភូមិកំពង់សំណាញ់២ សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ។
ទី២-ឈ្មោះ ឡុង ចរិយា ភេទស្រី អាយុ ២១ឆ្នាំ ជនជាតិខ្មែរ មុខរបរ អ្នកចម្រៀង មានទីលំនៅ ផ្ទះ២០, ផ្លូវ៧ (បូរីពិភពថ្មី២) ភូមិកំពង់សំណាញ់២ សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ។
ទី៣-ឈ្មោះ ទឹម សុធា ភេទប្រុស អាយុ ១៥ឆ្នាំ ជនជាតិខ្មែរ មុខរបរ បុគ្គលិក មានទីលំនៅ ភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ។
ទី៤-ឈ្មោះ ហេង វិសាល ភេទប្រុស អាយុ១៦ឆ្នាំ ជនជាតិខ្មែរ មុខរបរ បុគ្គលិក មានទីលំនៅ ភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ។
ទី៥-ឈ្មោះ ភឿន ជីវ័ន្ដ ភេទប្រុស អាយុ១៦ឆ្នាំ ជនជាតិខ្មែរ មុខរបរ បុគ្គលិក មានទីលំនៅ ភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល ។
ទី៦-ឈ្មោះ ឃុត វាសនា ភេទប្រុស អាយុ២២ឆ្នាំ ជនជាតិខ្មែរ មុខរបរ បុគ្គលិក មានទីលំនៅ ភូមិថ្មី២ សង្កាត់តាខ្មៅ ក្រុងតាខ្មៅ ខេត្តកណ្ដាល ។

ចំពោះវត្ថុតាងដែលកម្លាំងដកហូតបានរួមមាន៖ កែវស្រា ចំនួន ២០, ចាន ចំនួន ២០, តុ ចំនួន ០៤, កៅ អីដែក ចំនួន ១២, ស្លាបព្រានិងសម ចំនួន ៤០, សាឡុង ចំនួន ០៤, កៅអីសាឡុង ចំនួន ០៧, ធុងបាស ចំនួន ០២, ធុងសាប់ ០១, ហ្គីតា ០១, អក ០១, ម៉ិច ស័រ ០១, សំបកស្រាបៀហនុមានចំនួន ៤០, ស្រាបៀមិនទាន់គាស់ ចំនួន ១០ដប់, ធុងទឹកកកតូច ចំនួន ១០, -ម៉ាស៉ីនឌីបីអរ ០១គ្រឿង, ទូរស័ព្ទដៃ ចំនួន ០៦ គ្រឿង, កុំព្យូទ័រ ចំនួន ០៣គ្រឿង, ម៉ូតូ ចំនួន ១៥គ្រឿង, រថយន្ដ ចំនួន០៦គ្រឿង។

ក្នុងនោះលោកបានបញ្ជាក់ឲ្យដឹងបន្ថែមទៀតថា នៅថ្ងៃទី២៦ ខែតុលា ឆ្នាំ២០២១ វេលាម៉ោង ២១:០០នាទី ដោយបានទទួលព័ត៌មានថា មានទីតាំង ភោជនីយដ្ឋានមួយកន្លែង យីហោ អាយផាប់ មានលួចបើកអាជីវកម្មផឹកស៊ី ច្រៀងរាំ និងមានភ្ញៀវចូលហូបចុកជួបជុំគ្នាជាច្រើននាក់ដែលល្មើសទៅនឹងវិធានការសុខាភិបាល។ ក្រោយពីទទួលបានព័ត៌មានភ្លាម កម្លាំងការិយាល័យនគរបាលព្រហ្ម ទណ្ឌកម្រិតស្រាល សហការជាមួយកម្លាំងអធិការដ្ឋាននគរបាលក្រុងតាខ្មៅ បានចុះទៅដល់កន្លែងកើតហេតុ ធ្វើការបង្រ្កាប អ្នកជួបជុំផឹកស៊ីនៅក្នុងហាងភ្លាមនោះ ភ្ញៀវនិងបុគ្គលិកជាច្រើន នាក់បានផ្លោះរបងក្រោយហាងរត់គេចខ្លួន ហើយបានបញ្ជូនជនពាក់ព័ន្ធខាងលើរួមទាំងវត្ថុតាងទៅកាន់ ស្នងការដ្ឋាន នគរបាលខេត្តកណ្ដាល ដើម្បីបន្តសួរនាំតាមនីតិវិធី។

គួរបញ្ជាក់ថា អ្វីដែលគួរឲ្យកត់សម្គាល់នោះគឺថៅកែហាងខាងលើនេះបានលួចរត់គេចខ្លួនតាមច្រកក្រោយដោយបផ្លោះរបងហើយម្យ៉ាងវិញទៀតថៅកែហាងរូបនេះបានយកអនីតិជនក្រោម១៨ឆ្នាំមកបម្រើការងារទាំងស្រីទាំងប្រុសទៀតផង៕