រយៈពេល០២ថ្ងៃ កម្លាំងជំនាញការិយាល័យប្រឆាំងគ្រឿងញៀនខេត្តកំពង់ចាម បង្រ្កាបករណីជួញដូរខុសច្បាប់ នូវសាធាតុញៀន ឃាត់ខ្លួនអ្នកជួញដូរចំនួន០២នាក់ និងអ្នកប្រេីប្រាស់ចំនួន១៧នាក់
នៅថ្ងៃទី៣១ ខែសីហា និងថ្ងៃទី០១ ខែកញ្ញា ឆ្នាំ២០២២ បន្ទាប់ពីទទួលបានព័ត៌មានភ្លាមនោះ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម និងដោយមានការឯកភាពពីឯកឧត្តម វង្ស ប៊ុនវិសុទ្ធ ព្រះរាជអាជ្ញា នៃអយ្យការអមសាលាដំបូងខេត្តកំពង់ចាម កម្លាំងជំនាញការិយាល័យប្រឆាំងគ្រឿងញៀនខេត្តកំពង់ចាម រួមជាមួយកម្លាំងជំនាញ នៃអធិការដ្ឋាននគរបាលស្រុកស្ទឹងត្រង់ ដឹកនាំដោយលោកឧត្តមសេនីយ៍ត្រី ជីវ សេងរស់ ស្នងការរងទទួលផែនការងារប្រឆាំងគ្រឿងញៀន បានបេីកកិច្ចប្រតិបត្តិការចុះបង្ក្រាបករណីជួញដូរ និងប្រើប្រាស់ ដោយខុសច្បាប់នូវសារធាតុញៀន ចំនួន០១ករណី ឃាត់ខ្លួនជនសង្ស័យចំនួន ១៩នាក់ ក្នុងនោះជាមុខសញ្ញាជួញដូរចំនួន០២នាក់ និងអ្នកប្រេីប្រាស់ចំនួន១៧នាក់ និងដកហូតវត្ថុតាងរួមមានៈ ម្ស៉ៅក្រាមពណ៌សសង្ស័យជាថ្នាំញៀនចំនួន ០៦កញ្ចប់, ទូរស័ព្ទដៃចំនួន ១៣គ្រឿង,ជញ្ជីងអេឡិចត្រូនិចចំនួន ០១គ្រឿង និងអាវុធខ្លីម៉ាកK៥៩ ចំនួន ០១ដើម មានគ្រាប់ចំនួន ០៣គ្រាប់ ។
បច្ចុប្បន្នជនសង្ស័យ និងវត្ថុតាង ជំនាញបានកសាងសំណុំរឿងតាមនិតីវិធី និងបញ្ចូនទៅតុលាដេីម្បីបន្តនិតីវិធី ។