ក្រុមស្រ្តីថ្ងៃសុក្រដាក់ញាត្តិទៅស្ថានទូតឥណ្ឌូនេស៊ីសុំអន្តរាគមន៍ឲ្យរដ្ឋាភិបាលដោះលែងប្តី និងអតីតសកម្មជន គណបក្សសង្គ្រោះជាតិដែលកំពុងជាប់ពន្ធនាគារ

ភ្នំពេញ: នៅព្រឹកថ្ងៃទី ០៤ ខែវិច្ឆិកា ឆ្នាំ២០២១ វេលាម៉ោង ០៨:១៥នាទី នៅមុខស្ថានទូតឥណ្ឌូនេស៊ី ផ្លូវសុរាម្រិត ភូមិ៣ សង្កាត់ចតុមុខ ខណ្ឌដូនពេញ មានក្រុមស្រ្តីថ្ងៃសុក្រ អតីតសកម្មជនគណបក្សសង្រ្គោះជាតិ ប្រមាណ ០៨នាក់ដឹកនាំដោយ៖
លោកស្រី ព្រំ ចន្ថា ភរិយារបស់លោក កាក់ កុម្ភារ
និងលោកស្រី សេង ចាន់ថន ភរិយារបស់លោក ស៊ុន ធន់ ដែលជាអតីតសកម្មជនគណបក្សសង្គ្រោះជាតិ បានមកដាក់ញត្ដិសុំអន្តរាគមន៍ឲ្យរដ្ឋាភិបាលដោះលែងប្ដី និងសកម្មជនផ្សេងទៀតដែលកំពុងជាប់ពន្ធនាគារ។
បច្ចុប្បន្ន សមត្ថកិច្ចបានសម្របសម្រួលពួកគាត់ឈប់នៅផ្លូវ១៩កែងសុរាម្រិត រង់ចាំការអនុញ្ញាតពីស្ថានទូតចូលដាក់ញត្តិ។